Xhiro e 12-të e Superligës fillon sonte me një duel mjaftë interesant

Prishtinë(AsistiOnline) – Sot do të startojë me ndeshje edhe xhiro e 12-të e Superligës së Kosovës te meshkujt.

Një duel mjaftë interesant na pret që në start me Ponte Prizrenin që i bën konakun Rahovecit. E të dyja ekipet janë të etura për fitore.

Deri tani, prizrenasit kanë pesë fitore e pesë humbje, kurse Vreshtarët dy fitore e nëntë humbje, andaj ky duel është shumë i vlefshëm për të dy skuadrat.

Ndeshja fillon nga ora 19:00 dhe transmetohet direkt në KSport1 në të gjitha platformat televizive vendore.

Për çdo risi para ndeshjes, rezultatin pas çdo çereku dhe raportin final, si zakonisht mund të informoheni te vendi – AsistiOnline.com