Super-ndeshja e sontme mes Trepçës dhe Pejës në mbyllje të xhiros

Prishtinë(AsistiOnline) – Sonte mbyllet xhiro e 12-të e Superligës së Kosovës te meshkujt me një super-ndeshje.

Bëhet fjalë për derbin e rivalëve të vjetër, Trepça – Peja, që takohen në “Minatori” dhe kërkojnë fitoren medoemos.

Deri tani, ‘xehetarët’ kanë gjashtë fitore e pesë humbje, kurse verdhezinjtë tetë fitore e dy humbje. Të dy skuadrat kanë ambicie të mëdha në këtë edicion, andaj do të jetë një super duel në ‘Minatori’ të dielën. Duelin e parë të këtij edicioni e kishin fituar pejanët 83:72.

Ndeshja fillon nga ora 19:00 dhe transmetohet direkt në KSport1 në të gjitha platformat televizive vendore.

Për çdo risi para ndeshjes, rezultatin pas çdo çereku dhe raportin final, si zakonisht mund të informoheni te vendi – AsistiOnline.com