Vëllaznimi i Jakovës ndaj kampionit aktual

Prishtinë(AsistiOnline) – Dita e dytë e xhiros 12 në elitën e basketbollit kosovar nis në Gjakovë.

Vëllaznimi i kuqezinjëve të Jakovës sonte mirëpret në ”Shani Nushi”, kampionin aktual, Golden Eagle Yllin, sfidë kjo që pritet të jetë tejet interesante me dy ekipet goxha në formë.

Kuqezinjtë pas fitores ndaj Pejës janë të motivuar për një ndeshje tjetër të madhe, ndërsa ndeshen me Yllin, që hyn me pesë fitore radhazi në elitë pas katër humbjeve radhazi, ndërsa skuadra nga Gjakova ka pesë fitore e gjashtë humbje.

Ndeshja fillon nga ora 17:00 dhe transmetohet direkt në Sport1 e Klan Kosova në të gjitha platformat televizive vendore.

Për çdo risi para ndeshjes, rezultatin pas çdo çereku dhe raportin final, si zakonisht mund të informoheni te vendi – AsistiOnline.com