Kampioni dhe nën-kampioni përballen në Therandë në derbin e ditës

Prishtinë(AsistiOnline) – Përpos duelit në Gjakovë, sonte zhvillohet edhe një super-ndeshje në Therandë.

Takimi i dytë është mes kampionit Golden Eagle Yllit dhe nënkampionit Trepçës.

Ylli pas eliminimit në grupet e FIBA Europe Cup do të përqendrohet tërësisht në garat vendore. Therandasit pas katër humbjeve radhazi, ka gjashtë fitore radhazi dhe është në kërkim të fitores së shtatë, kurse mitrovicasit kanë pasur ‘luhatje’ me gjashtë fitore e gjashtë humbje, ndërsa takimi pritet të jetë shumë interesant mes skuadrave që kanë ambicie titullin e kampionit.

Ndeshja fillon nga ora 19:00 dhe transmetohet direkt në të gjitha platformat televizive vendore.

Për çdo risi para ndeshjes, rezultatin pas çdo çereku dhe raportin final, si zakonisht mund të informoheni te vendi – AsistiOnline.com