Kampioni aktual ndaj ekipit të rikthyer në elitë, çerekfinalja e parë e Superkupës

Prishtinë(AsistiOnline) – Sot nis me dy ndeshje tejet interesante Superkupa e Kosovës te meshkujt që do të zhvillohet në kryeqytet për 4 ditë.

Dueli i parë çerekfinal i garës zhvillohet mes kampionit aktual të Kosovës, Golden Eagle Yllit dhe skuadrës së rikthyer në elitë, Vëllaznimit.

Në duelet e sivjetme mes këtyre dy ekipeve në elitë, Golden Eagle Ylli ka bilanc prej 2-0, por kjo natyrisht që nuk e zhbën faktin, se sfida e sotme pritet të jetë shumë interesante dhe rivalizuese.

Dueli i sotëm mes therandasve dhe gjakovarëve, starton nga ora 16:00 dhe transmetohet direkt në KSport1.

Për çdo risi para ndeshjes, rezultatin pas çdo çereku dhe raportin final, si zakonisht mund të informoheni te vendi – AsistiOnline.com