Përballje e nxehtë mes Pejës e Bashkimit për biletën e fundit të gjysmëfinales

Prishtinë(AsistiOnline) – Një super-ndeshje na pret sonte në mbyllje të fazës çerekfinale në Superkupën e Kosovës.

Takohen Peja dhe Bashkimi, dy skuadra me rivalitet të moqëm në basketbollin tonë, që sa herë ndeshen dhurojnë shou për publikun.

Në përballjet direkte sivjet, Peja dhe Bashkimi janë takuar tri herë e të trija ndeshjet i ka fituar ngushtë ekipi verdhezi, por sonte gjërat mund të ndryshojnë, megjithatë kjo mbetet të tregohet në parket.

Fituesi i kësaj ndeshje, takohet në gjysmëfinale me fituesin e duelit, Trepça – Rahoveci që nis nga ora 17:00.

Të kujtojmë se çifti i parë gjysmëfinal u përcaktua dje ku do të ndeshen, Golden Eagle Ylli dhe Sigal Prishtina.

Sfida mes pejanëve dhe prizrenasve starton nga ora 20:30 dhe transmetohet direkt në Sport1.

Për çdo risi para ndeshjes, rezultatin pas çdo çereku dhe raportin final, si zakonisht mund të informoheni te vendi – AsistiOnline.com