Arbnor Rifati deklarohet pas dorëheqjes, thotë se do të vazhdojë fuqishëm kontributin në klub

nga Asisti Online Përditësimi i fundit 17/12/2022

Prishtinë(AsistiOnline) – Arbnor Rifati ka dhënë dorëheqje nga pozita e kryetrajnerit te skuadra e Ponte Prizrenit.

Në intervistën pas ndeshjes me Sigal Prishtinë, Rifati deklaroi se po tërhiqet nga posti i trajnerit te skuadra që e udhëhoqi për vite me radhë.

Rifati theksoi se arsyjet janë shëndetësore.

Lajmi përditësohet pas pak, me intervistën e plotë të tij…

Shefi i deritanishëm i shtabit teknik të Ponte Prizrenit, Arbnor Rifati e ka konfirmuar edhe zyrtarisht tërheqjen nga posti që mbajti deri tani në klubin që e menagjon vetë.

Rifati nëpërmjet një postimi në rrjetet sociale, tha se për të ky vendim ka qenë prej ditëve më të vështira në karrierën si trajner, por për shkak të arsyjeve personale, do ti duhet të tërhiqet nga drejtimi i ekipit.

Në njoftimin lamtumirës të Rifatit thuhet se ai do të vazhdojë të jetë pjesë e fuqishme e menagjmentit të klubit.

Postimi i tij i plotë dhe pa ndërhyrje:

Të dashur miq dhe i gjithë komuniteti i basketbollit.

Sot për mua është një ndër ditët më të vështira në karrierën time si trajner.

Për disa arsye personale nga sot më nuk do jem kryetrajner i ekipit që e dua më së shumti në botë, me ekipin cilën bërëm më të mirën për basketbollin klubin PONTE PRIZRENI.

Çdo fillim ka një mbarim, unë fuqishëm do vazhdojë punën në menagjment të skuadrës.

Sa është e vështirë për mua aq më e vështirë do jetë edhe për gjithë ju që ishit në mbështetjen time të vazhdueshme.

JU PREMTOJ, që SPECIAL ONE do rikthehet më fort se kurr.

Nga zemra ju falenderoj, ju dua shumë.

Coach Arbnor