Dita e sotme nis me derbin e xhiros mes Bashkimit dhe Yllit

Prishtinë(AsistiOnline) – Derbi i javës na pret sot në ditën e dytë të xhiros së 14-të në elitën e basketbollit kosovar.

Bashkimi dhe Golden Eagle Ylli ndeshen në ”Sezai Surroi”, për fitoren me shumë vlerë, për prizrenasit që mëtojnë rikthimin te triumfet në elitë e kampioni për fitoren e radhës.

Deri tani, prizrenasit kanë katër fitore e nëntë humbje, ndërsa therandasit pas katër humbjeve në fillim, tani janë në një seri pozitive prej tetë fitoreve radhazi.

Kjo ndeshje starton nga ora 17:00 dhe transmetohet direkt në Sport1 & Klan Kosova në të gjitha platformat televizive vendore etj.

Për çdo risi para, gjatë dhe pas ndeshjes, rezultatin pas çdo çereku, por edhe rezultatin minutë pas minuti i gjeni në ueb-sajtin e vetëm në shqiptari, dedikuar basketbollit  – AsistiOnline.com