Lublini kundërshtari i sontëm i Prishtinës, ku do të synohet fitorja e dytë

Prishtinë(AsistiOnline) – Skuadra jonë kosovare, Sigal Prishtina sot e zhvillon duelin e katërt të fazës grupore në kompeticionin evropian, ENBL League.

Kryeqytetasit sonte takohen me ekipin tjetër polak, Start Lublin i cili ka 4 humbje e 8 fitore në elitën polake, gjersa në ENBL ka 1 fitore nga 1 ndeshje e zhvilluar ndaj Tal Tech (83-68).

Sfida e sontme mes prishtinasve dhe Lublinit fillon nga ora 18:30 dhe luhet në lokacionin e djeshëm në Zielona Gora.

Sigal Prishtina dje arriti fitoren e parë në këtë garë, duke mposhtur Zielona Gorën 75-89.

/AsistiOnline.com/