Samuels tregohet vendimtar, Bashkimi 3-0 ndaj Vëllaznimit

Prishtinë(AsistiOnline) – Bashkimi e ka arritur edhe fitoren e tretë sezonale ndaj Vëllaznimit.

Prizrenasit triumfuan ndaj gjakovarëve me rezultat final 86-79.

Ndeshja nisi shumë ngushtë me Bashkimin që fitoi çerekun e parë minimalisht 19-18, gjersa ngushtë vazhdoi edhe në të dytin ku Bashkimi arriti të fitojë me 3 pikë diferencë 27-24 dhe mbylli pjesën e parë me 4 pikë diferencë 46-42.

Në pjesën e dytë, vazhdoi loja e ngushtë me Vëllaznimin që e fitoi çerekun e tretë 19-20, ndërsa perioda e katërt i takoi Bashkimit 21-17 dhe pas një kohe tejet të gjatë, prizrenasit rikthehen te fitoret në elitë.

Samardo Samuels edhe sonte tregoi lojë fantastike te Bashkimi me 14 pikë e 9 kërcime, gjersa shënoi pikë vendimtare në fund të ndeshjes, por u ndihmua edhe nga Fisnik Rugova me 18 pikë, Curtis Jones me 14 e Daniel Lekndreaj dhe Altin Morina me nga 13 pikë secili.

Te Vëllaznimi ishin të pamjaftueshëm për fitore, Atik Koshi e Emmanuel Omogbo me nga 14 pikë dhe Jahii Carson me 13 sosh.

Bashkimi tash ka 5 fitore e 10 humbje, ndërsa Vëllaznimi pësoi sonte humbjen e 9-të karshi 6 fitoreve.

Në xhiron ardhshme, Bashkimi i shkon Trepçës e Vëllaznimi e pret Rahovecin.

/AsistiOnline.com/