Bakija tregon formulën se si po i organizon Vëllaznimi ndeshjet pa incidente, ai tregon edhe se kujt i shkon merita

Prishtinë(AsistiOnline) – Kryetari i klubit të Vëllaznimit, Ideal Bakija në episodin e djeshëm të ASIST-it, ka folur për mënyrën se si Vëllaznimi po i organizon ndeshjet pa incidente.

Bakija tregoi se klubi gjakovar, gjithnjë para ndeshjeve ka takime të rregullta me tifozët e organizuar dhe pjesën tjetër të publikut, për ti sensibilizuar se sa shumë mund ta dëmtojnë klubin gjërat e pakuptima, andaj edhe mendon se pikërisht kjo ka ndikuar që të mos ketë incidente.

”Nëse kish pas diçka formulë të cilën e kemi përdor ne, e kisha nda me shumë qejf këtu në emision. Por, unë mendoj se jane disa arsyje: arsyeja kryesore se në Gjakovë ka pasur mungesë të aktiviteteve sportive dhe qyteti ka qenë i etur. Ne kemi pasur edhe disa takime para ndeshjeve me tifozët të cilët i falenderoj shumë, kuqezinjët, por edhe gjithe qytetin, sepse i gjithë qyteti ka qenë shumë i disiplinuar. Ne ju kemi treguar që me shumë sakrificë jemi duke e mbajtur klubin edhe çdo dënim, neve do të na dëmtojë shumë për objektivat që i kemi dhe ata e kanë mirëkuptuar edhe gjithë bashkë punojmë që këto mos me ndodh, por merita kryesore ju takon kuqezinjëve dhe qytetit”, thotë ai.

Tutje, Bakija tregon në detaje formën se si e menagjojnë pjesën e tifozëve dhe si veprojnë konkretisht me ta para çdo ndeshje e kjo sipas tij ka dhënë rezultat.

”Ne e kemi nga një takim para çdo ndeshje, dy ose tre ditë përpara me tifozët dhe disa persona tjerë që janë përgjegjës për organizimin, ju bëjmë thirrje grupit të tifozëve që mos të ketë incidiente, por deri tash ka funksionuar. Unë mendoj që secili duhet të ju bëjë thirrje, sepse buxhetet e klubeve vërtetë janë vështirë te menagjueshme, se kemi shpenzime shumë të mëdhaja dhe çdo dënim për neve është shumë i madh dhe unë mendoj se ata e kanë kuptuar këtë mesazh edhe kemi vazhduar me punu bashkë. Prapë tash në ndeshjen me Rahovecin, ne do ta kemi një takim me gjithë akterët të cilët janë në organizim të ndeshjeve, për me u parapërgatit për ndeshjen dhe me u minimizu këto incidente”, theksoi Bakija.

/AsistiOnline.com/