Super-ekskluzive: Ahmet Kandemir po rikthehet te Sigal Prishtina?

Prishtinë(AsistiOnline) – Sigal Prishtina me shumë gjasa, do të ketë ndryshime të reja në shtabin teknik të skuadrës.

AsistiOnline.com ka mësuar ekskluzivisht se kryeqytetasit janë afër marrëveshjes me trajnerin e mirënjohur turk, Ahmet Kandemir.

Ardhja e Kandemir te Prishtina, pritet të pasohet me largimin e trajnerit aktual tjetër turk, Murat Bilge i cili sipas informacioneve që posedon AsistiOnline.com, ka kërkuar lirimin nga ekipi për shkak të disa obligimeve shumë të rëndësishme shëndetësore-familjare

Në fakt, Kandemir vetëm se do të rikthehej te Prishtina, pasi ai edhe në të kaluarën ka udhëhehqur ekipin më të trofeshëm kosovar, madje për dy sezone, por me distanca kohore.

Kandemir, së fundmi ka qenë pjesë e skuadrës nga elita turke, Beshiktash me të cilët u nda edhe zyrtarisht para pak ditëve. Ai ka përvojë të madhe si trajner, duke drejtuar skuadra të shumta turke.

AsistiOnline.com ka tentuar të marrë një përgjigjje edhe nga drejtuesit e Sigal Prishtinës rreth kësaj çështje, por që të njejtit nuk kanë qenë të çasshëm deri tani.

/AsistiOnline.com/