Bashkimi me super-triumf në Mitrovicë, mbyll vitin 2022 me dy fitore rresht në elitë

Bashkimi ka mundur Trepçën në Mitrovicë me rezultat 62:87 (14:24, 17:30, 13:18, 18:15), në javën e 16-të dhe të fundit për vitin 2022 në elitën e basketbollit kosovar.

Mysafirët nga Prizreni në fillim kishin epërsi të lehtë, por në fund të çerekut të parë e thelluan, duke e fituar këtë pjesë me dhjetë pikë dallim, 14:24.

Portokallezinjtë vazhduan me lojë të mirë, ndërsa vendasit assesi të këndelleshin. Prizrenasit kishin epërsi deri në 23 pikë, sa edhe përfundoi pjesa e parë 31:54.

Mitrovicasit nuk arritën të zvogëlonin epërsinë, madje ndodhi e kundërta, ku basketbollistët e Bashkimit e thelluan edhe më shumë, ndërsa rezultati pas 30 minutash 44:72.

Në dhjetë minutat e fundit nuk kishte shumë ndryshim dhe Bashkimi triumfoi 62:87.

Te mitrovicasit më i miri ishte Drilon Hajrizi me 18 pikë e shtatë kërcime, kurse te prizrenasit më i miri ishte Couris Jones me 30 pikë e pesë kërcime.

‘Xehetarët’ kanë tetë fitore e tetë humbje, kurse Portokallezinjtë kanë gjashtë fitore e dhjetë humbje.

Në xhiron e radhës, Bashkimi e zhvillon derbin lokal ndaj Ponte Prizrenit e Trepça i shkon Rahovecit.