Ekskluzive: Lëvizje pozitive nga Rahoveci, Jack Pagenkopf përforcon radhët e ‘vreshtarëve’

Prishtinë(AsistiOnline) – Klubi i Rahovecit gjatë javëve të fundit është ballafaquar me disa ndryshime, ndoshta edhe pa dëshirën e tyre, mirëpo ato kanë ndodhur.

Nga ‘vreshtarët’ janë larguar disa basketbollistë, por që drejtuesit e klubit nuk kanë ndenjur duarkryq dhe tashmë kanë gati shumicën e zëvendësimeve të tyre.

AsistiOnline.com ka mësuar se Rahoveci tashmë ka nënshkruajtur me plejmejkerin amerikan, Jack Pagenkopf i cili pritet ta ndihmojë ekipin në arritjen e objektivit kryesor e që është mbijetesa.

Pagenkopf është i gjatë 190 centimetra dhe te Rahoveci vije pas përvojës me Manisën në ligën e parë turke e ku luajti me 7.5 pikë e 2 asiste për ndeshje.

Para Turqisë, Pagenkopf ka luajtur edhe në ligën e parë gjermane dhe në elitën belge, gjersa para ardhjes në Evropë, ai ka luajtur për një kolegj mjaftë të fortë amerikan si, Utah Tech University Red Storm.

Lojtari në fjalë njihet për menqurinë e tij në lojën e basketbollit, si mbrojtës tejet agresiv dhe sulmues tejet i shkathët.

/AsistiOnline.com/