Super-ndeshje sot në “Minatori”, takohen Trepça e Prishtina

Prishtinë(AsistiOnline) – Sot nis të luhet xhiro e 18-të e elitës së basketbollit kosovar me një super-ndeshje që në start.

Në “Minatori” të Mitrovicës përballen rivalët e vjetër, Trepça e Prishtina.

Deri tani, mitrovicasit kanë nëntë fitore e tetë humbje, kurse prishtinasit kanë 12 fitore e pesë humbje. Në dy ndeshjet e Superligës, dy skuadrat kanë nga një fitore ndaj njëra-tjetrës.

Kjo ndeshje fillon nga ora 17:00 dhe transmetohet direkt në KSport1 në të gjitha platformat televizive vendore etj.

Për çdo risi para e gjatë ndeshjes, rezultatin pas çdo çereku, por edhe raportin final, i gjeni në ueb-sajtin e vetëm në shqiptari, dedikuar ekskluzivisht basketbollit  – AsistiOnline.com