Derbi i ditës së sotme në Gjakovë mes Vëllaznimit e Pejës

Prishtinë(AsistiOnline) – Sot zhvillohen edhe dy ndeshjet e fundit të xhiros 18 në elitën e basketbollit kosovar.

Padyshim që spikat sfida në mes të Vëllaznimit dhe Pejës e cila luhet në palestrën shembull sivjet për përkrahje dhe anim korrekt ”Shani Nushi” të Gjakovës.

Sfida premton një përballje interesante, pasi në këtë edicion të dy skuadrat kanë nga një fitore ndaj njëra-tjetrës, por si mysafire.

Kuqezinjtë numërojnë kanë shtatë fitore e dhjetë humbje, kurse verdhezinjtë 12 fitore e pesë humbje.

Kjo ndeshje fillon nga ora 17:00 dhe transmetohet direkt në Art(Sport1) e Klan Kosova  në të gjitha platformat televizive vendore etj.

Për çdo risi para e gjatë ndeshjes, rezultatin pas çdo çereku, por edhe raportin final, i gjeni në ueb-sajtin e vetëm në shqiptari, dedikuar ekskluzivisht basketbollit  – AsistiOnline.com