Lirim Peci tregon se cila ishte pika kthyese e Yllit në drejtim të serisë së madhe të fitoreve

Prishtinë(AsistiOnline) – Njëri prej komentatorëve më të mirë të sportit në vendin tonë, Lirim Peci dje ka qenë në mesin  e panelistëve të ftuar në ASIST-in 518.

Ai ka përmendur faktin interesant, se ku mori hov rikthimi i Yllit pas 4 humbjeve me radhë në Superligën e Kosovës, por edhe eliminimit nga Liga e Kampionëve.

”Po mendoj që as Ylli, as lojtarët e Yllit, as zyrtarët e klubit, s’kanë menduar që kanë me pas një ecuri kaq të mirë. Por një detaj që deshta me përmend e që shumë pak po përmendet, është edhe pjesëmarrja e tyre në FIBA Europe Cup dhe fitorja ndaj Bambergut, që besoj se janë mbushur plotë energji dhe kanë marrë vetëbesim edhe si ekip, kjo ka ndikuar që këta me pas vazhdimësi të mirë edhe në kampionat, po besoj që një prej faktorëve që Ylli e ka ecurinë kaq të mirë prej 13 fitoreve rresht edhe ajo fitore në Gjermani ndaj Bambergut”, është shprehur Liri.

/AsistiOnline.com/