Ponte Prizreni ndahet me lojtarin kryesor, e zëvendëson me një ish-lojtar të Yllit

Prishtinë(AsistiOnline) – Skuadra e Ponte Prizrenit vazhdon të mos bëhet rehat me basketbollistët e huaj sivjet.

Ekipi bardhezi ka njoftuar se me marrëveshje të dyanshme ka ndërprerë bashkëpunimin me fundorin amerikan, Dachon Burke, megjithatë e ka zëvendësuar shpejtë me ish-lojtarin e Yllit, Cameron Williams.

”Sot me marrëveshje të dyanshme kemi shkëputur kontratën me lojtarin Dachon Burke i cili karrierën do e vazhdoj në një shtet tjetër. Lojtarin në fjalë e falenderojm për kontributin dhe i dëshirojm sukses në vazhdim të karrierës”, shkruan njoftimi i prizrenasve për largimin e Burkes.

Derisa në të njejtin njoftim, është prezantuar edhe Cameron Williams.

”Playmakeri amerikan 183 cm, Cameron Williams është lojtari më i ri i KB PONTE PRIZRENI. Williams është i njohur në basketbollin Kosovar , ngase vitin që shkoi ishte pjesë e Golden Eagle Ylli me ekipin të cilën shënoi 11.2 pikë, 4.3 kërcime dhe 5.9 asistime”, shkruan njoftimi.

/AsistiOnline.com/