ASISTI 519: Ndryshimet e mëdha te Trepça dhe funksionalizimi i kamerave të sigurisë në ”Minatori”

Çka thotë për rikthimin e tij së bashku me Ilir Selmani dhe trajnerin e ri Engin Gencoglu ikona e klubit Besim Braha dhe lojtari kryesor i skuadrës, Drilon Hajrizi?

ASISTI 519 sonte vjen me mysafir special, pas një kohe të gjatë me ne është Besim Braha, ikona e klubit mitrovicas dhe njeriu i trofeve i cili u rikthye kur skuadrës filloi t’i shkonte keq dhe Drilon Hajrizi i cili me mesatare prej 16 PPN, 8 KRC e 3 AST është figura kryesore te KB TREPÇA sivjet.

Besimi dhe Driloni do të na tregojnë se pse pas startit të suksesshëm dhe stolisjes me trofeun e Superkupës Mbarëkombëtare gjërat ndryshuan ?

– Pse u fut Trepça në krizë?

– Çka ndikoi në rënien e formës dhe ndryshimin e dy trajnerëve?

– Si e arritën fitoren ndaj KB Peja dhe çka ndryshoi kaq shpejtë?

– Si e shohin Superligën dhe çka thonë për deklaratën e trajnerit më të mirë në Kosovë dy vitet e fundit, Adis Beciragic i cili Trepçën dhe KB Prishtina i sheh si skuadrat më të kompletuara dhe favorite për titull?
– Çfarë do të jetë lufta për maje dhe si e shohin betejën për shmangie nga Play Out dhe rënia nga Superliga?

Temë e veçantë sonte do të jetë mbajtja e premtimit të kryetarit të KB Trepçës, Vullnet Sefaja për vendosjen dhe funksionalizimin e kamerave në Minatori.

– Kur dhe si e premtoi kryetari Sefaja instalimin e kamerave në Minatori?

– Si veproj KB Trepça menjëherë me të instaluar kamerat?

– Si duhet të veporojnë klubet tjera dhe Kosovo Basketball Federation për të marr si shembull KB Trepçën?

Gjitha këto dhe shumë më shumë në bisedën tejet interesante dhe dinamike me mysafirët special të ASISTIT 519: Besim Brahën dhe Drilon Hajrizin.

Për më tepër, ASISTI sjell edhe analizën komplete të ndeshjes së mbetura nga xhiro 15 e Prince Caffe Superligës ndërmjet Klubi Basketbollit Rahoveci dhe K.B. Golden Eagle YLLI të cilën e fituan kampionët aktual për t’u ngritur në pozitën e liderit, për herë të parë sivjet pas startit me 4 humbje.

Në vikend u zhvillua xhiro 19 e elitës e cila solli shumë kthesa:

– KB PONTE Prizreni shënoi fitoren e parë pas 6 humbjeve rresht në derbin e fundit të tabelës;

– KB Vëllaznimi përpak sa nuk befasoi kampionët aktual megjithatë Ylli pas vazhdimeve fitoi me shumë mund dhe shënoi triumfin e 15 rresht

– Sigal Prishtina nën udhëheqjen e trajnerit të ri Ahmet Kandemir nuk di për humbje

– Trepça me trajnerin e ri shënon fitore dhe paraqitet me fytyrë krejt ndryshe

– Pesëshja e Javës ishte e jashtëzakonshme si edhe gara për MVP të xhiros 19

ASISTI 519sjell edhe fillimn e pranverës në LIgën Unike të Femrave ndërsa në vikend u zhvillua edhe xhiro 13 e Superligës së Femrave ku prizrenaset vazhdojnë dominimin absolut.

Shqiptarët në Botë në ASIST, blloku më unik dhe i dashur për gjithë ne, sjell edhe një herë lajme të shkëlqyeshme për Edon Maxhuni Maxhunin kurse NBA në ASIST sjell përmbledhjen e lajmeve më interesante dhe rekordet e reja të kësaj gjithësie basketbollistike.

Krejt në fund vijnë Top 10 aksionet fantastike të Prince Caffe Superligës dhe momentet më të bukura të javës së kaluar.

Sonte nga ora 21:00 në Sport 1 në Artmotion dhe 30 minuta pas mesnate, pas përfundimit të Prime Big Brother VIP Kosova në Klan Kosova, ASISTIN 519 me Agon Fehmiun dhe Ulpiana Emra.