A i ka frikësuar lojtarët e Trepçës, Besim Braha? përgjigjet ai vet në ASIST

Prishtinë(AsistiOnline) – Me rikthimin e Besim Brahës te skuadra e Trepçës filluan edhe komentet e ndryshme se Trepça do të jetë më ndryshe.

Madje kishte edhe komente të tilla, se ”Tash lojtarët e Trepçës s’kanë qare pa luajt, se ju ka ardhur Besimi, por cila është e vërteta rreth këtyre polemnikave e tregon, vet ai.

”Lojtarët nuk i kam tut, s’kam provu as për me i tut, se këta kanë pas nevojë për përkrahje morale. Nuk kam bërë diçka unë, për me i tut nuk i kam tut, po këta e dinë që unë për vete gjithmonë jam munduar sa i përket sportit me qenë i përpikët edhe në fushë edhe në stërvitje e krejt, jam munduar në atë timen me transmetu edhe te këta. Me u tut këta s’kane nevoje me u tut, se secili janë të vetëdijshëm se çka. Unë ja kam filluar prej Kenit, jam munduar me i motivu secilin prej tyre në atë timen dhe jam munduar me i bind, se qyteti besojnë në ta, menagjmenti beson në ta. Unë ju kam thënë që 10 Besima me ardhë, 10 Ilira me ardhë, ne pa përkrahjen e juaj, pa përkrahjen e njërit tjetrit, s’kemi çka me bo, s’mundemi me bo. Edhe faleminderit prej tyre, secili kanë qenë të kuptueshëm edhe prej të hënës që kemi filluar me Ilirin, deri sa ka ardhur trajneri u vërejt, u vërejt çdo ditë tjetër stërvitje, do të thotë ka qenë më pozitive e më pozitive. E ka vazhduar, trajneri që ka ardhur, shpresoj që edhe tutje do ta vazhdojmë. Çka kisha pas qejf me thënë publikisht: Këta djem kanë pas nevojë për përkrahje prej të gjithëve, më vjen mirë që edhe Torcida i ka përkrah secilin prej tyre. Kanë qenë edhe në stërvitje, për përkrahje morale. Duhet edhe qyteti me i kuptu këta djem, duhet edhe Torcida mi kuptu, se këta nuk besoj që kanë ardhur në atë shkallë me qenë, qaq të poshtër që me dasht me i humb ndeshjet, kanë presion bajagi të madh prej qytetit, po unë e kuptoj qytetin, se e di qysh jetojnë për basketboll në Mitrovicë. Po, është mirë me i kuptu pak, se më shumë se këta që kane qejf, s’ka qejf kërkush, nuk besoj, nuk besoj që ka qejf më shumë dikush se këta me fitu”, tha Braha në ASIST.

/AsistiOnline.com/