Prishtina mposht thellë Siauliain, rikthen shpresat për ”play off” në ENBL

Prishtinë(AsistiOnline) – Sigal Prishtina e ka arritur një fitore të madhe sot në ”ENBL” League në kuadër të sezonit të rregullt.

Ekipi kosovar ka triumfuar ndaj Siauliait nga Lituania me shifrat e përgjithshme 67-91.

Bardhekaltërit e nisën shumë mirë duke e fituar çerekun e parë 20-31, gjersa i dyti i takoi ngushtë ekipit lituanez 16-14 e pjesa e parë e ndeshjes u mbyll 36-45 në favorin e prishtinasve.

Në pjesën e dytë, Prishtina përsëri e kishte startin perfekt duke fituar çerekun e tretë 12-24, duke e nisur periodën finale shumë qetë dhe në periodën e fundit (19-22) vetëm e administroi rezultatin si duhet për të fituar me meritë.

Pesë basketbollistë realizuan pikë dyshifrore te Prishtina në këtë fitore, Dustin Thomas me 23 pikë, Brooks Debisschop me 18, Derrick Wilson e Dardan Berisha me nga 13 dhe Both Gach me 12 sosh.

Te Siauliai, u dalluan Kyle Mangas me 18 pikë e Martynas Varnas me 15 sosh.

Prishtina tash ka 2 fitore e 3 humbje në këtë garë e nesër e zhvillon duelin e radhës ndaj Tal Tech-it me fillim nga ora 18:00.

/AsistiOnline.com/