Derbi i xhiros sonte në ”Minatori” mes nënkampionit dhe kampionit

Prishtinë(AsistiOnline) – Pa dyshim që derbi i xhiros së 20-të në elitën e basketbollit kosovar, zhvillohet sonte në ”Minatori” të Mitrovicës.

Në këtë duel përballen nënkampioni me kampionin aktual, Trepça kundër Yllit.

Deri tani, mitrovicasit kanë pasur luhatje gjatë këtij edicioni, ku numërojnë dhjetë fitore e nëntë humbje, ndërsa therandasit pasi nuk e nisën mirë kampionatin me katër humbje, tani kanë 15 fitore radhazi, duke qenë liderë në renditje.

Në këtë edicion në elitë, kampionët kanë dy fitore ndaj nënkampionit.

Kjo ndeshje fillon nga ora 19:00 dhe transmetohet direkt në (Art)Sport1 në të gjitha platformat televizive vendore etj.

Për çdo risi para e gjatë ndeshjes, rezultatin pas çdo çereku, por edhe raportin final, i gjeni në ueb-sajtin e vetëm në shqiptari, dedikuar ekskluzivisht basketbollit  – AsistiOnline.com