Ekskluzive: Pothuajse të gjithë referët, të huaj në ndeshjet e Kupës

Prishtinë(AsistiOnline) – Tashmë një gjë është e sigurtë, në ndeshjet e Kupës së Kosovës që zhvillohen gjatë kësaj jave, pritet të gjykojnë referët e huaj.

Kështu ka mësuar AsistiOnline.com nga burime të besueshme pranë institucionit më të lartë të basketbollit në vendin tonë (FBK).

Duket se Federata e Basketbollit të Kosovës ka vendosur që pas kritikave të shumta ndaj gjyqtarëve vendorë, për këtë garë të bëjë ndryshime në gjykimin e ndeshjeve dhe të delegojë gjyqtarë të huaj.

Po të njëjtat burime kanë konfirmuar se në duelet e ”Final Eight”-it, pritet të gjykojnë pothuajse krejtësisht referët me thirrjen e FIBA-s, për duele ndërkombëtare.

Sa ju përket referëve vendorë në këto ndeshje, ata pritet të mos jenë fare pjesë e saj edhe pse një gjë e tillë nuk është konfirmuar ende.

AsistiOnline.com ka kërkuar një përgjigjje rreth çështjes në fjalë edhe nga kreu i FBK-së, Arben Fetahu, por që i njejti nuk ka qenë i çasshëm për deklarim.

Ndeshjet e Kupës zhvillohet nga 15 e deri më 19 shkurt në palestrën moderne ”Mizahir Isma” të Rahoveci.

/AsistiOnline.com/