Bashkimi synon ta barazojë serinë, Trepça kërkon kalimin në gjysmëfinale

Prishtinë(AsistiOnline) – Sot zhvillohet ndeshja e dytë e serisë çerekfinale të ”play off”-it në mes të Bashkimit dhe Trepçës.

Në duelin e parë kishte fituar Trepça shumë ngushtë dhe në sekondat e fundit me 4 pikë dallim, derisa sot pritet të jetë poashtu tejet interesant.

Bashkimi synon me çdo kusht që serinë ta dërgojë në duelin e tretë e Trepça ka për qëllim të jetë në gjysmëfinale me dy ndeshje.

Sfida nis nga ora 17:00 dhe transmetohet direkt në ArtSport1 dhe Klan Kosova në të gjitha platformat televizive vendore.

Më të rejat nga ndeshja, rezultatin pas çdo çereku, raportin final, por edhe detajet e tjera, si zakonisht i gjeni në portalin e vetëm në shqiptari dedikuar ekskluzivisht basketbollit – AsistiOnline.com