Morina: Na pret ndeshje e vështirë, do të japim gjithçka për fitore

Prishtinë(AsistiOnline) – Optimist për rezultat pozitiv sonte ndaj Pejës, është shprehur kapiteni i Golden Eagle Yllit, Gëzim Morina.

Në një prononcim para ndeshjes për AsistiOnline.com, kapiteni i kampionit aktual tha se janë të vetëdijshëm për formën e Pejës, porse do të japin nga vetja gjithçka për fitore.

Morina theksoi edhe mungesat te Yllit, të cilat mund ta vështirësojnë punën e ekipit, porse në asnjë formë nuk dorëzohen.

”Sot fillojmë me serinë e gjysëmfinaleve, Peja është shëndrruar në një ekip krejt tjetër me ardhjen e trajnerit të ri, luajnë mjaft shpejtë dhe me shumë tentime për 3 pikë. Na pret një ndeshje e vështirë, pa marr parasysh mungesat të cilat do i kemi, udhëtojmë në Pejë për të dhënë gjithçka nga vetja dhe besojmë që do të kthehemi në Suharekë me fitore”, deklaroi Morina.