Peja e nis serinë gjysmëfinale me fitore ndaj Yllit

Prishtinë(AsistiOnline) – Peja e ka fituar përballjen e parë të serisë gjysmëfinale ndaj Golden Eagle Yllit.

Verdhezinjët triumfuan në ”Karagaç” me shifrat e përgjithshme 85-82.

Rrjedha e ndeshjes ishte tepër interesante me dy ekipe që ndërronin avantazhin herë në një anë e herë në tjetrën (22-19, 26-22) dhe pjesa e parë u mbyll në favorin e Pejës 48-41.

Pjesa e dytë vazhdoi me lojë të ngushtë dhe çereku i tretë u mbyll baraz (23-23), derisa në periodën finale, mysafirët tentuan maksimalisht rikthimin e rezultatit (23-23), por nuk mjaftoi dhe në fund vendasit iu gëzuan fitores.

Qendra amerikane e Pejës, Brad Waldow ishte lojtari më efikas te verdhezinjët sonte me 22 pikë e 10 kërcime, derisa u ndihmua edhe nga Larry Thomas me 17 pikë, Devoe Joseph me 16 dhe Jalen Tate me 10 sosh.

Te Ylli s’mjaftuan për fitore, Bashir Ahmed me 18 pikë, Gëzim Morina me 16 e Rashun Davis me 13 pikë. Vlen të ceket se Ylli sonte kishte dy mungesa kyçe si Chris Harris e Henrik Shirko.

Peja e merr avantazhin e serisë gjysmëfinale në 1-0 dhe ndeshja e dytë zhvillohet në vikend në Suharekë, derisa ekipi që arrin tri fitore, kalon në finalen e madhe.

/AsistiOnline.com/