Chris Harris pritet të luajë sonte, ndërsa Shirko…

Prishtinë(AsistiOnline) – Kampioni aktual i Kosovës, Golden Eagle Ylli sonte e zhvillon ndeshjen më të rëndësishme deri tani në këtë edicion.

Therandasit luajnë ndeshjen e dytë të serisë gjysmëfinale të play off-it ndaj Pejës, ku në ndeshjen e parë pësuan dhe për të mbetur në hap ju duhet me patjetër fitorja.

Në duelin e parë ekipit i munguan dyshja e huaj, Chris Harris e Henrik Shirko, për shkak të lëndimeve, por sonte pritet të ketë risi në këtë aspekt.

Sipas informatave që ka AsistiOnline.com, Chris Harris mund të luajë sonte ndaj Pejës e Henrik Shirko ende është në pikëpyetje të madhe dhe nuk pritet të jetë pjesë e rosterit.

Ylli dhe Peja luajnë sonte në ”13 Qershori” të Therandës me fillim nga ora 20:30 dhe ndeshjen mund ta ndiqni direkt në KSport1. /AsistiOnline.com/