Prishtinë(AsistiOnline) – Sacramento Kings po tregohet ekip fantastik në serinë çerekfinale të Perëndimit, ndaj kampionit aktual të NBA-së.
Kings kanë arritur që serinë me Golden State Warriors ta dërgojnë në ndeshjen e shtatë dhe vendimtare, pasi kanë fituar 99-118 në duelin e gjashtë.
Dyshja, Malik Monk me 28 pikë e De’Aron Fox me 26 sosh, ishin më të dalluarit në këtë fitore tepër të vlefshme të Kings, gjatë mesnatës.
Në anën tjetër te Warriors, Stephen Curry kishte 29 pikë e Klay Thompson 22 sosh.
Seria mes Kings dhe Warriors barazohet në 3-3 dhe ekipi që i bashkohet LA Lakersit në gjysmëfinalen e Perëndimit, vendoset në ndeshjen e shtatë që zhvillohet nesër nga ora 21:30 me kohën tonë lokale.
/AsistiOnline.com/
