Arti Hajdari konfirmon largimin nga Peja, falenderon klubin dhe tifoztët e klubit

nga Asisti Online në 05/06/2023

Prishtinë(AsistiOnline) – Arti Hajdari edhe zyrtarisht e ka konfirmuar largimin nga skuadra e Pejës.

Kapiteni i deritanishëm i verdhezinjëve, ka njoftuar sot se ka ndarë rrugët me Pejën, pasi nuk gjetën gjuhë të përbashkët për vazhdimin e karrierës.

Në njoftimin e lëshuar pak çaste më parë, Arti ka falenderuar klubin dhe tifozët për momentet që kaluan së bashku, por edhe përkrahjen e madhe që mori deri tani, duke shtuar se duhet ta mirëkuptojnë dhe përkrahin në vendimin e tij.

Njoftimi i plotë dhe pa ndërhyrje i Art Hajdarit:

Te nderuar qytetar te Pejes,
Te nderuar bord i KB Peja,

Te nderuar tifoz te zjarrte te UCF!

Dua te ju falenderoj per çdo gje qe keni bere per mua ne sezonen e fundit. FALEMINDERIT PER PERKRAHJEN MASIVE PER MUA DHE EKIPIN TONE. Jam njeriu me i lumtur ne bote qe sezonen e fundit, e kremtuam me shperblimin me te madh ne basketboll, me titullin e kampionit. Sezonen 2022/23 do ta mbajme mend bashkarisht si histori te pa shlyer, drejt nje suksesi te cilin e arritem se bashku dhe e besuam vetem ne.

Une sot ju falenderoj shume per çdo gje qe kemi bere se bashku.

Tani me dhimbje te madhe dhe emocione te pa shpjegueshme, njoftoj se kam ndare rruget me klubin e Pejes, sepse me gjithe perpjekjet dhe deshiren time te madhe, nuk kemi gjetur rruge te perbashket per te vazhduar me tutje, duke mos besuar qe qendrojme aq larg me mendime. Por keshtu e ka jeta dhe profesionalizmi. Basketbolli eshte i tille dhe karrieria ime ka rendesi te madhe per zhvillimin dhe te arriturat e mija.

Une sot kam nevoje per perkrahje, vleresim meritor dhe respekt mbi te gjitha.

Ne emrin tim personal, KB Pejes i’a uroj te gjitha sukseset e mundshme.

I juaji,

Arti Hajdari

______________________

Të kujtojmë se pak ditë më parë, AsistiOnline.com raportoi ekskluzivisht se Art Hajdari do të jetë transferi më i ri i KB Prishtinës dhe një gjë e tillë, pritet të konfirmohet shpejtë. /AsistiOnline.com/