Berisha beson shumë në sukses me Kosovën, kërkon përkrahjen e publikut prizrenas

Prishtinë(AsistiOnline) – Kapiteni i Përfaqësueses së Kosovës, Dardan Berisha është prononcuar për faqen zyrtare të FBK-së, para ndeshjeve parakualifikuese që Kosova i zhvillon gjatë kësaj vere në parakualifikimet për Eurobasket 2025.

Berisha ka deklaruar se janë duke u përgatitur maksimalisht, së bashku me selektorin e ri i cili ka sjellur frymë të re, derisa thotë se ju duhet përkrahja e madhe e publikut prizrenas.

”Ne jemi të motivuar, kemi ndeshje shumë të vështira, por jemi të motivuar edhe ne edhe trajneri për sukses. I kemi edhe dy tre javë të mira për t’u përgatitur së bashku dhe për të marrë taktikën e trajnerit. Për herë të parë do të luajmë në Prizren, shpresojmë të mbushet salla me përkrahësit tanë do të luftojmë 100% për të fituar edhe ndeshjet mysafirë, shkojmë për të fituar dhe për tu kualifikuar. Me ardhjen e trajnerit ka ardhur një frymë e re, trajneri është shumë kërkues, na ështe nevojitur kjo. Po shpresoj që deri në ndeshjen e parë do të jemi 100% të përgatitur. Dardanët janë motivi ynë, po shpresoj që do të vijnë dhe të na përkrahin në mënyrë që të arrijmë së bashku suksesin historik”, tha Berisha.

/AsistiOnline.com/