Prishtinë(AsistiOnline) – Pas shumë javë pritje e përgatitje të shumta, Përfaqësuesja e Kosovës A, sot zhvillon duelin e parë në parakualifikimet për Eurobasket 2025.
Ekipi ‘dardan’ do të luajë sonte ndeshjen e parë në këtë tur, ku takohet me Kombëtaren e Zvicrës, duke filluar nga ora 20:45 në palestrën ”Sezai Surroi” në Prizren.
Në fakt, kjo ndeshje do e hap xhiron e parë të grupit H, ku përveç Kosovës e Zvicrës, bën pjesë edhe ekipi i Danimarkës, shkruan AsistiOnline.com
Kosova në këto parakualifikime hyn me ndryshime rrënjësore në shtabin teknik, të cilin ia ka besuar selektorit të ri nga Izraeli, Rami Hadar.
Drejtuesit e FBK-së, po besojnë që me Hadarin, Kosova do të kalojë këtë kampanjë parakualifikuese dhe do të korr suksesin e shumëpritur.
Selektori izraelit tashmë ka publikuar 12shen e Kosovës, derisa pritet që të jetë një atmosferë e ngrohtë në qytetin e bukur të Prizrenit dhe përkrahjen për Kosovën në tribuna e kanë paralajmëruar edhe tifo-grupi i organizuar ”Dardanët”. /AsistiOnline.com/
https://skyblue-caribou-270219.hostingersite.com/2023/07/18/publikohet-12shja-e-kosoves-ndaj-zvicres-nje-mungese-e-madhe/?fbclid=IwAR2OKACqlDlKAEi4iuGR2RGaiti1rh_yzUKAY2pah9c0Z8ShBMX3RJHyS6s
