Gjyqtari Artan Gashi përzgjedhet refer ndërkombëtar në FIBA 3×3

Prishtinë(AsistiOnline) – Artan Gashi është përzgjedhur nga FIBA 3×3 si gjyqtar ndërkombëtar.

Gashi që prej vitesh gjykon ndeshjet e basketbollit kosovar, ka marrë thirrje ndërkombëtare 3×3, pas kalimit me sukses të testeve në klinikën e mbajtur në Debrecen të Hungarisë para pak ditësh.

”Nga sot zyrtarisht refer ndërkombëtar FIBA 3×3. I falenderoj instruktorin nacional të FIBA-s Faton Kurshumlija dhe Federatën e Basketbollit të Kosovës, që më përkrahën në këtë rrugëtim”, ka shkruajtur Gashi.

Gjatë këti qëndrimit në klinikën e FIBA 3×3 në Debrecen të Hungarisë si kandidat për tu pajisur me licensë të FIBA 3×3 Referee, Gashi ka gjykuar mbi 40 ndeshje të Kampionatit Evropian për Universitete, përfshirë ndeshjet per medalje te bronztë, çerekfinale dhe ndeshje për vend të pestë (meshkuj dhe femra).