Një ditë nga ndeshja e madhe, Kosova me fitore mund ti afrohet kalimit në kualifikime

Prishtinë(AsistiOnline) – Ka mbetur edhe një ditë nga ndeshja e Përfaqësueses së Kosovës A, para duelit me Danimarkën në parakualifikimet për Eurobasketin 2025.

Kjo ndeshje mund të jetë vendimtare për fitimin e grupit, pasi pikërisht Danimarka llogaritet si rival kryesor i Kosovës në këto parakualifikime me peshë të madhe, shkruan AsistiOnline.com

Duelin e parë të grupit, Kosova e fitoi thellë ndaj Zvicrës dhe me fitore potenciale në Naestved, ekipi ynë i afrohet goxha shumë kalimit në kualifikime, pasiqë ndeshja e kthimit me danezët zhvillohet në Prishtinë nën përkrahjen e publikut tonë.

Fitore ndaj Zvicrës shënoi gjatë vikendit edhe Danimarka dhe lufta për fitimin e grupit pritet të zhvillohet mes Kosovës dhe Danimarkës, që parimisht kanë treguar dëshirë më të madhe për të ecur tutje.

Kosova nesër luan në udhëtim te Danimarka me fillim nga ora 18:00. Ekipit pritet t’i ndihmojë në këtë ndeshje edhe Erjon Kastrati që ndaj Zvicrës ishte i lënduar. /AsistiOnline.com/