Sot luan Kosova, fitorja do të rriste optimizmin në maksimum

Prishtinë(AsistiOnline) – Dita e ndeshjes së radhës për Kosovën erdhi.

Sot ekipi i parë kosovar (A) luan ndeshjen e tretë në fazën grupore të vlefshme për parakualifikimet e Eurobasketit 2025.

Dardanët do të sfidohen nga Zvicra në ndeshjen e kthimit e cila luhet në qytetin e Fribourgut me fillim nga ora 17:30 dhe transmetohet direkt në Art Sport1.

Ndeshjen e parë të zhvilluar në Prizren e kishte fituar Kosova me rezultat të thellë, gjersa për të vazhduar besimin në kualifikime, sot duhet fitorja me patjetër.

Kosova ka një fitore e një humbje, kurse Zvicra dy humbje. Danimarka është në vendin e parë me dy fitore, ku vetëm vendi i parë i grupit kualifikohet tutje. /AsistiOnline.com/