ASISTI 546: Me mysafirë analizohet thellë sfida e Kosovës me Zvicrën dhe pritshmëritë ndaj Danimarkës

ASISTI 546 vazhdon me episode speciale edhe në pikun e verës, sidomos gjatë turit të ndeshjeve nga Përfaqësuesesja e Kosovës A, për parakualifikimet e Eurobasket-it 2025.

Këtë javë me mysafirët simpatikë, Dren Zatriqin dhe Altin Sahitin, analizohet sfida e fundit e Kosovës me Zvicrën dhe pritshmëritë për duelin vendimtar ndaj Danimarkës.

Në fakt, fillimisht transmetohet raporti i detajuar nga ndeshja me Zvicrën e pastaj me mysafirët analizohet ajo ndeshje dhe e tërë rrjedha e grupit H, ku po bën pjesë edhe Kosova dhe është afër të shkruajë historinë me një sukses të pa arritur më parë.

Pyetje të shumta nga Ulpiana dhe përgjigjje interesante nga Dreni e Altini, për këtë cikël parakualifikues të Kosovës, na presin sonte në ASIST-in 546.

Në episodin që i kushtohet tërësisht Kosovës, transmetohen tek shikuesit edhe raportet e ndeshjeve të Përfaqësueseve të reja të Kosovës që sivjet kanë pasur verë të nxehtë me Kampionatet Evropiane në Divizione të caktuara.

Shihemi në terminet e zakonshme në Art Sport 1 nga ora 21:00 dhe Klan Kosova pas mesnatës nga ora 00:30. /AsistiOnline.com