Letonia e jashtëzakonshme, eliminon Francën shumë herët nga Botërori

Prishtinë(AsistiOnline) – Letonia është skuadra e dytë pas Kanadasë që siguron fazën e dytë të Botërorit në grupin H.

Ekipi letonez fitoi sot ndaj ‘gjelave’ në një ndeshje të jashtëzakonshme dhe me kthesë të madhe, pasiqë ishte duke humbur gjatë tërë takimit, por në fund buzëqeshi.

Francezët e filluan më mirë dhe fituan çerekun e parë 33-26, derisa i dyti u mbyll ngushtë në favorin e letonezëve (20-23) dhe pjesa e parë u mbyll 53-49.

Në pjesën e dytë, francezët përsëri startuan më mirë, duke fituar periodën e tretë (22-13), por Letonia nuk u zmbraps duke arritur që në periudhën e fundit (12-26) të përmbys gjithçka dhe ta fitojë ndeshjen e madhe me shifrat 86-88.

Arturs Zagars me 22 pikë dhe Roland Smits me 20 sosh, ishin dyshja më e dalluar e Letonisë në këtë fitore me shumë vlera.

Te Franca, Evan Fournier kishte 27 pikë e Guerschon Yabusele shtoi 18 pikë.

Kjo fitore ju siguron letonezëve kalimin në fazën e dytë të Botërorit, si dhe të drejtën e paraqitjes në kualifikimet e vitit të ardhshëm për Lojërat Olimpike në Paris.

Nga grupi H, Kanadaja dhe Letonia do të avancojnë në fazën e dytë e Franca dhe Libani do të luftojnë për pozitat 17-32.

/AsistiOnline.com/