Prishtina mposhtet ngushtë në miqësore nga TFT-ja, ju sjellim edhe statistikat

Prishtinë(AsistiOnline) – Sigal Prishtina e ka zhvilluar miqësoren e dytë para fillimit të stinorit të ri.

Kryeqytetasit sot kanë udhëtuar drejt Shkupit, ku janë ndeshur me skuadrën e TFT-së e cila sivjet garon në ABA Liga 2.

Kjo ndeshje miqësore u mbyll me rezultat të ngushtë 82-80 në favorin e vendasve.

Lejson Zeqiri shënoi më së shumti pikë te Prishtina sot gjithsejt 20, prej tyre 6-9 nga vija për treshe.

Transferi i fundit, Nick Ward tregoi poashtu ndeshje fantastike, ku për 20 minuta lojë realizoi 16 pikë e 6 kërcime dhe ishte gati 100% i saktë nga tentimet për pikë.

Te Prishtina sot u dalluan edhe Derrick Wilson e Dardan Berisha me nga 10 pikë, derisa Arti Hajdari shtoi 8 pikë, Fisnik Rugova 7, Muhamedali Janjeva 6 e Alban Veseli shënoi 3 pikë.

Prishtina javën tjetër udhëton drejt Zvicrës për një turne prestigjioz, ku merr pjesë edhe kampioni aktual i Ligës së Kampionëve, Bonni i Gjermanisë.

/AsistiOnline.com/