Nënshkruhet marrëveshja për organizimin e Superkupës

Është nënshkruar edhe zyrtarisht marrëveshja për organizimin e Superkupës së Kosovës në basketboll.

Federata e Basketbollit të Kosovës ka njoftuar sot se marrëveshja u nënshkrua nga Sekretarja e Përgjithshme e tyre, Elvira Dushku dhe përfaqësuesi nga KB Golden Eagle Ylli, Egzon Fetiu.

Sipas njoftimit, Dushku dhe Fetiu kanë premtuar se do të bëjnë çmos, që ky event të jetë spektakël i basketbollit për pesë ditë radhazi në Therandë, ku Ylli është organizator.

Në këtë turne marrin pjesë tetë skuadrat e elitës, që e duan trofeun e çmuar të basketbollit të Kosovës.

Edicionin e fundit e kishte fituar Sigal Prishtina. Garat zhvillohen nga 13 deri më 17 shtator në Therandë.