Prishtinë(AsistiOnline) – Sot zhvillohen dy ndeshje në kuadër të xhiros së parë të Superligës së Kosovës te meshkujt.
Istogu debuton në elitën e basketbollit, në sfidën kundër fitueses së Kupës dhe Superkupës, Trepçës. Përballja zhvillohet në Rahovec për shkak të problemeve me palestrën në Istog. Ndeshja transmetohet direkt në Sport2 nga ora 17:00.
Ndërsa vëmendja do jetë tek sfida Sigal Prishtina – Proton Cable Prizreni e cila zhvillohet në Prizren, për shkak të renovimit të palestrës në kryeqytet. Si Prishtina ashtu edhe Prizreni synojnë fitoren në këtë përballje dhe hyjnë në këtë edicion me synime të mëdha. Ndeshja transmetohet direkt në KSport3 nga ora 19:00.
Shikim të këndshëm.
