Kundërshtarët dhe orari i kampiones së Kosovës në FIBA Europe Cup

Prishtinë(AsistiOnline) – Peja sivjet do të luajë në fazën grupore të kompeticionit ndërkombëtar evropian, FIBA Europe Cup.

Ekipi verdhezi sivjet luajti në kualifikimet e Ligës së Kampionëve duke u eliminuar nga Bakken Bears dhe kështu automatikisht kaloi në fazën e parë të FEC, shkruan AsistiOnline.com

Ashtu siç edhe ishte pritur, sot janë zyrtarizuar tre kundërshtarët e pejanëve në këtë garë.

Peja do të ketë përballë ekipet si Chemnitz nga Gjermania me të cilët takohet me 18 tetor në ndeshjen e parë, derisa në duelin e dytë të fazës grupore ndeshet me Heroes Den Boschin nga Holanda me 25 tetor në ”Karagaç”.

Me 1 nëntor, Peja i shkon ekipit polak, Spojnia Stargard e me 8 nëntor verdhezinjët e luajnë ndeshjen e kthimit ndaj Chemnitzit në ”Karagaç”.

Me 15 nëntor, pejanët udhëtojnë drejt Holandës për ta luajtur duelin e kthimit ndaj Heroes Den Bosch.

Dhe krejt në fund, kjo fazë grupore mbyllet në ”Karagaç” me 22 nëntor ku Peja e pret ekipin polak të Spojnia Stargrad.

Shpresojmë në paraqitje dinjitoze dhe fat të mirë për ekipin kosovar.

/AsistiOnline.com/