Prishtinë(AsistiOnline) – Plejmejkeri amerikan, Isiah Umipig me shumë gjasa mund të rikthehet në basketbollin e Kosovës.
AsistiOnline.com ka mësuar se lojtari në fjalë është afër marrëveshjes me ekipin e Bashkimit.
Në edicionin e kaluar, Umipig luajti te Peja në 19 ndeshje të Superligës me mesatare prej 11.8 pikëve, 3.9 asiste e 2.8 kërcime.
Pas largimit nga Peja, pasiqë klubi vendosi të ndryshonte roster për shkak të rezultateve të dobëta, Umipig u transferua te Rabotniçki në Maqedoni të Veriut ku në 12 ndeshje kishte 9.5 pikë e 2.8 asiste.
31 vjeçari ka përvojë edhe në Belgjikë, Bullgari, Kanada, Lituani, Zvicër, Turqi, Ukrainë, Sllovaki etj.
/AsistiOnline.com/
