Istogu dhe Prishtina sot hapin xhiron e katërt

Prishtinë(AsistiOnline) – Sot fillon të luhet xhiro e katërt e Superligës së meshkujve.

Istogu dhe Prishtina takohen në Rahovec, kjo pasiqë palestra e ekipit istogas nuk është e gatshme për të pritur ndeshje zyrtare.

Istogasit në fundjavën e kaluar shënuan fitoren e parë në elitë, duke mundur Bashkimi, kurse kanë edhe dy humbje, ndërsa e kundërta është për prishtinasit që numërojnë dy fitore e një humbje.

Sfida mes Istogut dhe Prishtinës luhet nga ora 17:00 dhe transmetohet direkt në kanalet sportive vendore.