Trepça rikthehet fuqishëm dhe e mposht Prizrenin

Trepça ka shënuar fitore në udhëtim ndaj Proton Cable Prizrenit me rezultat 88:108 (25:14, 26:34, 23:30, 14:30), në javën e pestë të Prince Caffe Superligës.

Vendasit e nisën më mirë ndeshjen me një seri prej 7:0, e më pas ngritën epërsinë në 20:7, derisa çerekun e parë e fituan 25:14. Por, dalëngadalë mitrovicasit fillojnë të këndellen dhe në periudhën e dytë për herë të parë kalojnë në epërsi 39:40, kurse pjesa e parë përfundon 51:48.

Perioda e tretë ishte e ‘luftuar’ nga të dy skuadrat, ku mysafirët kishin epërsi të lehtë, ndërsa shifrat pas 30 minutash ishin 74:78. Përkundër përpjekjeve nga prizrenasit, Trepça e menaxhoi lojën mirë dhe fitoi në fund 88:108.

Te vendasit u dalluan Desi Sills me 27 pikë e pesë kërcime dhe Isaiah Kelly me 23 pikë e pesë kërcime, kurse te mitrovicasit u dalluan Drilon Hajrizi me 28 pikë, pesë kërcime e tetë asistime dhe Kevin Davis me 22 pikë e nëntë kërcime.

Proton Cable Prizreni ka një fitore e katër humbje, ndërsa e kundërta është me Trepçën që ka katër fitore e një humbje.