Prishtina e mposht Bashkimin në Prizren, mbetet skuadra e vetme pa humbje

Prishtina ka shënuar fitoren në derbi ndaj Bashkimit me rezultat 77:82 (15:16, 20:21,21:22,21:23).

Që nga fillimi loja ishte e barbarët dhe detajet e bënin dallimin, pikët e para i shënoj Sarah Mgbeike, për Bashkimin por në fund të 10 minutave të parë Prishtina ishte me një pikë epërsi 15:16.

Ritëm i njëjtë e përcjelli edhe çerekun e dytë ku dallimi mbas 10 minutave të dytë ishte epërsi një pikë, 20:21, ndërsa rezultat i përgjithshëm ishte 35:37.

Edhe në dy pjesët e mbetura edhe vajzat e Prishtinës edhe ato të Bashkimit treguan shpirtin luftarak e dëshirë për ta fituar derbin.
Dallimet ishin të vogla edhe në pjesët e mbetura në çerekun e tretë përsëri Prishtina ishte vetëm një pikë para kampionit në fuqi.
Kurse çereku i fundit ishte vendimtar ku vajzat nga Prishtina arritën të shënojnë 23 pikë dy më shumë se Bashkimi ku arriti të shënoj 21.

Më meritoret tek Prishtina për fitoren ishte Asianae Johnson me 34 pikë, 4 kërcime dhe 7 asistime e cila u ndihmua nga Jade Williams me 26 pikë, 16 kërcime dhe një asistime.

Për Bashkimin dy lojtarët të cilat kontribuuan më së shumti ishin Sarah Mgbeike me 26 pikë, 10 kërcime e dy asistime si dhe kapitenia Aulona Muhadri me 7 pikë, 13 kërcime dhe 1 kërcim.

Prishtina tani është skuadra e vetme e cila është e pamposhtur në ketë edicion.