FIBA feston sot për herë të parë Ditën Botërore të Basketbollit

Federata Ndërkombëtare e Basketbollit – FIBA ka bërë sot një njoftim të rëndësishëm duke theksuar se është e emocionuar dhe krenare për të festuar një Ditë Botërore të Basketbollit për herë të parë, pasi basketbolli u bë sporti i parë ekipor që merr një njohje të tillë globale.

Më 25 gusht 2023, Asambleja e Përgjithshme e Kombeve të Bashkuara (OKB), miratoi rezolutën A/RES/77/324 duke shpallur 21 dhjetorin si Ditën Botërore të Basketbollit.

”Nuk ka ditë më të mirë për të festuar basketbollin sesa dita kur ai u shpik nga Dr. James Naismith. Ishte më 21 dhjetor 1891 që ndeshja e parë e basketbollit u zhvillua në Springfield, Massachusetts”, shkruan njoftimi i FIBA-s.

Lidhur me këtë datë historike për basketbollin është deklaruar edhe sekretari i përgjithshëm i FIBA-s, Andreas Zagklis: “Ne jemi jashtëzakonisht krenarë për vendosjen e Ditës Botërore të Basketbollit dhe shumë mirënjohës ndaj OKB-së dhe organizatave të tjera partnere që vazhdojnë të njohin rolin pozitiv që luan basketbolli për miliona njerëz të ndryshëm që jetojnë në mbarë globin”.

“Fakti që basketbolli është sporti i parë ekipor që merr një njohje të tillë është një demonstrim dhe miratim i qartë i përfitimeve të mëdha shoqërore që ai jep, si dhe potencialit të pakufizuar që ekziston në përdorimin e Basketbollit për mirë”, tha Zagklis.

Për të shënuar dhe për të festuar Ditën Botërore të Basketbollit të sapo futur në kalendarin e ngjarjeve historike të saj, FIBA ​​tha sot se po organizon një sërë aktivitetesh dhe aktivizimesh.

Këto organizime të FIBA-s përfshijnë një ngjarje të veçantë në selinë qëndrore të saj ”Patrick Baumann” për personalitete nga entitete të ndryshme të OKB-së dhe organizata partnere në Gjenevë, si dhe të ftuar nga Komiteti Olimpik Ndërkombëtar (IOC), Shoqata e Federatave Ndërkombëtare Olimpike Verore (ASOIF) dhe përfaqësues nga YMCA.

FIBA poashtu ka njoftuar se fondacioni i saj  ​​po përdor gjithashtu Ditën e parë Botërore të Basketbollit për të nisur konkursin vjetor të fotografive. Në mënyrë të përshtatshme, tema e këtij viti është ‘Basketboll për mirë’, me më shumë detaje të garës në dispozicion këtu .

Është krijuar  një mur i veçantë social në fiba.basketball ku do të shfaqen të gjitha postimet me #WorldBasketball Day për të shënuar këtë rast të veçantë.

Ndërkohë, çdo Federatë Kombëtare është ftuar gjithashtu nga FIBA të luajë rolin e vet dhe kjo do të shohë të gjithë familjen globale të FIBA-s duke punuar së bashku për ta bërë ditën botërore të basketbollit sa më të paharrueshme.

/AsistiOnline.com/