Ekskluzive: Trepça drejt transferimit të amerikanit që i siguroi Superligën e Izraelit ekipit të tij

Prishtinë(AsistiOnline) – Trepça duket se ende nuk i ka mbyllur llogaritë me transferime për vazhdimin e kampionatit.

Siç ka mësuar AsistiOnline.com, klubi mitrovicas është vënë në lëvizje për ta përforcuar ekipin dhe lojtarin me të cilin mund të merren vesh është edhe opsioni i Kevin Capers.

Në dy edicionet e fundit, Capers ka luajtur për dy ekipe të ndryshme në Izrael ku ka shkëlqyer fillimisht me Ramat Hasharon me 24 pikë për ndeshje e pastaj në edicionin e kaluar me Maccabi Ramat Gan me 20 pikë për ndeshje.

Vlen të ceket se Capers në stinorin e kaluar me ekipin e Maccabi Ramat Gan, siguruan Superligën e Izraelit dhe ai ishte lojtari kryesor i skuadrës.

Capers ka përvojë edhe në Hungari me Atomeromu me 13 pikë për ndeshje, në Islandë Reykjavik me 22 pikë për ndeshje dhe në Rumani me Sibiu me 13 pikë për ndeshje.

Gjasat janë reale që ky lojtar shumë efikas të zbarkojë në ”Minatori”.

/AsistiOnline.com/