Super-ekskluzive: Peja nënshkruan me ish-reprezentuesin e Izraelit dhe me shumë përvojë në top ekipet izraelite?

Prishtinë(AsistiOnline) – Peja vazhdon ta përforcojë skuadrën gjatë afatit kalimtar dimëror.

Verdhezinjët që sot prezantuan dy ardhje të reja, një të huaj e një vendor, pritet që të vazhdojnë me risi në kompletimin e skuadrës.

AsistiOnline.com ka mësuar se Peja e ka kompletuar marrëveshjen edhe me qendrën amerikano-izraelite me shumë përvojë, Richard Howell.

Lojtari në fjalë ka përvojë të madhe me top ekipet izraelite si Hapoel Tel Aviv, Hapoel Jerusalem, Hapoel Holon, Hapoel Haifa, Macabi Haifa, Ironi Naharyia, derisa ka luajtur edhe në Itali me Juve Casertan.

Në edicionin e fundit 2022/23, Howell është paraqitur me Maccabi Haifan me mesatare prej 8.5 pikëve, 5.8 kërcimeve e 1.8 asiste.

Howell është paraqitur edhe me Kombëtaren e Izraelit, derisa përvoja e tij pritet të jetë kyçe në ndeshjet e rëndësishme të Pejës.

/AsistiOnline.com/