Pesë lojtarë freskët ndaj ish skuadrave sot në kryeqytet

Prishtinë(AsistiOnline) – Prishtina dhe Ylli sonte ndeshen në kryeqytet në kuadër të xhiros së 17-të.

Kjo përballje sjell edhe takimin e lojtarëve me ish ekipet e tyre, siç është rasti i rikthimit të Jan Palokajt, Rezart Mehmedit por edhe amerikanit, Nate Grimes në kryeqytet, aty ku luajtën në edicionin e kaluar.

Derisa, Henrik Shirko e Malcolm Armstead luajnë ndaj Yllit, aty ku kanë momente të freskëta pozitive sidomos me Shirkon që ka kaluar momente fenomenale me ekipin nga Theranda.

Në Prishtinë kanë luajtur edhe Valon Bunjaku e Gëzim Morina, por vite më parë.

Dueli fillon nga ora 17:00 dhe transmetohet direkt në Klan Kosova. /AsistiOnline.com/