Xhiro e 18-të nis sot me derbin e xhiros në Therandë

Prishtinë(AsistiOnline) – Sot nis të luhet xhiro e 18-të e Superligës së Kosovës te meshkujt.

Përballja e parë dhe kryesore e xhiros zhvillohet në qytetin e Therandës ku takohen Ylli dhe Peja.

Ish-kampionët dhe kampionët aktualë do të përballen në një sfidë që pritet të jetë shumë interesante. Therandasit janë në vendin e katërt me dhjetë fitore e shtatë humbje, derisa pejanët në vendin e dytë me 12 fitore me pesë humbje.

Ndeshja fillon nga ora 17:00 dhe transmetohet direkt në Artsport1 e Klan Kosova.