Sonte tjetër derbi, Bashkimi e pret Trepçën në Prizren

Prishtinë(AsistiOnline) – Sonte luhet edhe një super-derbi i basketbollit kosovar.

Bashkimi e pret Trepçën në palestrën simpatike të ”Sezai Surroi” të Prizrenit, me ç’rast të dyja ekipet pritet të luftojnë maksimalisht për fitore.

Prizrenasit janë në vendin e gjashtë me shtatë fitore e 12 humbje, kurse mitrovicasit në vendin e parë me 17 fitore e dy humbje. Këtë edicion ‘Xehetarët’ kanë dy fitore ndaj Portokallezinjëve, 77:99 dhe 84:67.

Ndeshja fillon nga ora 19:00 dhe transmetohet direkt në KSport.